انتا حبى الاول والاخر

هوا معنى الحب أيه؟
لما بنشوف البراءه
حتى من نظرة عنيه
لما نسمع بين الحروف
اللى خارجه م الشفايف
ألف آآآه …وايه
محتاجه تتفسر
ولما اللسان اللى وظيفته
يترجم الاحساس للكلام
يقف .. ويتعسر
القلب يتبصر
من غير مابيفكر
يقول انا الاكبر
انا الأقدر
الحب مش كلمه ف لسان
أو بيان
الحب نبض لألب
يحضن ألب
تحت أى ظروف أو اى انقسام
فيه انسجام
مش كلام اوهام او حوار افلام
حتى لو كنا بعاد
ومابيجمعنا مكان
لأن عشق الروح
مابيعرف مكان ولا زمان
حتى لو تحت التراب
او حتى ف الأحلام

كلماتك رائعه ارجوا ان تتقبل مروري بتلك الككلمات


عذاب الحب