جيتك وانا كلي دموع واحزان

جيتك وانا كـلـي دمـــوع واحزان ... اشكي من الايـام ومن حر مابي

سامحني جيتك طالب اليوم غفران ... من بعد ما ضيعت اجمل شبابي

توني عـرفـت اني بالدين غرقان ... مديون لك وخالي ترى هو حسابي

اليوم بـس اليوم حـسـيـت ندمان ... لني رخـصـت الزين وتبعت سرابي

جيتك وانا مجروح وبالقلب بركان ... انت الوحيد اللي شكيت له مصابي

واتمنى انك بحـالتـي هـب شمتان ... مكسور ودمع العين مثل السحابي

مابيك ساكت رد ليش انت سرحان ... لو بالعتب يا زين عطني جوابي

صمتك عذاب وانا من الهم تعبان ... ومنك السموحه كان مب مرحبابي

مشيت في دربي والدمع وديان ... في وسط صحراء فاقده كل صوابي

سمعت صوت اللي نسيته من ازمان ... صوت الحنين اللي اسنين غابي

مسموح قالها وما تحملت كتمان ... بكيت بكاء مريض من الامراض طابي

مشكور ماقصرت يا اطيب انسان ... بمشي بـطـوعـك لين اسكن ترابي