فلسفه حمار .......!!!!!

وهو بتفلسف الحمار و يخاطب إبن آدم و يقوله


... عجبي عليك يا ابن آدم يا كبير الدار


قوّمت الدنيا و ما قعدتها لما قالولك يا حمار


ايه يعني اسمي شتيمة و لا جنسي شئ عار؟؟؟


خلقني ربي و خلقك و مفيش حد بايده الاختيار


و أنا مهما زاد الحمل فوقي صابر على المشوار


لا فى يوم أرفع عيني على جارتي و بصون الجار


و لا فى يوم بطلّع على رزق غيري و بطقّ منه و بغار


و لا مهر أدفع لحمارتي و لا خواتم و لا سوار


و لا شقة أجمع فى حقها و لا أجهز دار


و لا حرمتي حامل تتوحم عايزة كافيار


و لا بنت تخرج عن طوعي و تجيب لي العار


و لا ابن يدمن و يهلوس و يقع و ينهار


عايش فى حالي و متهني وليه يعنى احتار


باكل و بشرب و أنهق و معنديش أسرار


و عندي ابن آدم بيخدمني ليل و نهار


اذا جعت يشتري برسيمي بأغلى الأسعار


و اذا مرضت بيعالجني و يدعي الستار


خادم أمين من غير راتب و لا حتى أيجار


عرفت يا بني آدم مين فينا طلع الحمار