اسئله تجيب الشلل؟؟؟؟؟؟؟؟؟؟

الشلل؟؟؟؟؟؟؟؟؟؟ , اسئله , بيحب

اسئله تجيب الشلل؟؟؟؟؟؟؟؟؟؟

اسئله بديهيه مالهاش اي لازمه في الدنيا
بنتعرض ليها كل يوم من كل الناس

اسئله تجيب الشلل؟؟؟؟؟؟؟؟؟؟

خلـونـــا نشــوف أمثلة

أنت في أوضتك .. على السرير وطافي النور ومتغطي ...
يجي أخوك الظريف ويفتح الباب عليك ويقول : ايه ياد انت هتنام ولا ايه ؟
(( أظن ده مش وضع الرقص !!! واضح ان انا هنام ))

*************** ****


أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير " انتوا جيتــوااااااااا ااااااا

(( لا لسه ))


*************** *****




والعكس : أنت لابس هدومك و متأنتك و على سنجه عشره وريحة البارفان
واصله لاخر الشارع .. وخلاص بتفتح باب الشقه,, يجي حد من أهلك وينادي
بصوت عالي : انت خااااارج ولا اييييييييي يه

(( !!! لاء دانا لسه راجع ))

*************** ******


أو مثلا راكب العربيه ودورتها وخلاص هتطلع ... يجيلك لك البواب
ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

*************** ***
مثلا ماسك سماعه التلفون وقاعد تضغط الارقام يجي حد من أهلك ويقولك
: انت هتتكلم في التليفون ؟

(( لا أبتفرج عليه ,, أكيد بتكلم ))

*************** ***

مثلا : ماسك مذكرة أو كتاب وقاعد تحفظ ومتحمس (أول مره بقى ) .. جه حد
وقالك :هاه قاعد تذاكر ؟
(( تقوم رامي الكتاب و تقوله لااااااااء ))


*************** **



ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول :هوه انت بتسبح
(( لاء هفرطها و أسلقها ))

*************** **ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

(( لاء طالبها اخنق على نفسي))


*************** **

أو مثلا في العيد

المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و
قرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))


*************** **

,,المذيعه الرخمه : وياترى بقى هتعملوا ايه العيد ده هتقضوه ازاي ؟
اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه
و انتوا طيبين

(( سبتيله ايه يقوله يارخمه ))

*************** *
والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!

(( يعني اساسي الواد لسه ما طلعلوش عرق الكره علشان يقول لأ )

يارب يعجبكوااسئله تجيب الشلل؟؟؟؟؟؟؟؟؟؟

بحبـــــــــــــــSـــــــــــــــك

ههههههههههههههههههههههههههههههه

فعلا بودى والله

انا بتخنق جدا لما يسحصلى موقف

زى دول او شبيه ليهم يواء عن

شغل خروج نزاهه والخ

ببقى عاوز اخنقو والله

شكرا يا ساحر على ردك الجميل
ويارب يكون الموضوع عجبك

بجد حاجه تجيب الشلل هههههههههههههههه

والادهى من ده كله موقف اتعرضتله انا شخصيا....


ركبت المشروع وقعدت واحده جنبى ومسكتلك الموبايل وهاتك يارغى ....


دودودودودودو لما زهقتنى والمشوار كان طويييييييييل برغيها ...المهم...


قبل ما أنزل بحوالى 100 متر خلصت المكالمه السخيفه وبصتلى كده


وقالتلى : ((معلش دوشتك ياختى اصلها واحده بارده اوى ومش عارفه اخلص


منها





))


كان حيجينى شلل نصفى ... معلش طولت عليكوا بس جيت عالجرح


تسلم الايادى بودى




ماما حنين

تسلم الايادى

شكرااااااااااااااا على مروركم الجميل